Сошиал худал мэдээлэл

Мэдээллийн үнэн бодит байдлыг үл харгалзан хэвлэн нийтэлж түгээдэг, итгэл, үнэмшилээ болгодог нь бидний сул өрөвдөлтэй тал юмуу да. Энэ байдал нь биднийг улам жижигрүүлж, хооронд минь талцуулж, Монголыг Монголоор нь үгүй хийлгэж байна. Ерөнхийлөгчийн сонгууль ч энэ зарчмаар явж байна, сонголтгүй сонгуульд хүсээгүй хүнээ Ерөнхийлөгч болгох гээд л хоорондоо талцаж, хөлөө жийлцэж яваа бэдэрч яваа хүмүүс.

Нэгэн жишээ, Та бүхэн харсан байх сошиалаар, шар хэвлэлүүдээр: "Монгол улсын иргэн Ж.Мөнхсаран, АНУ-ын Captain Air forse буюу тус улсын нисэх хүчний ахмад болсон тухай мэдээлэл цахим орчинд тарж байна.........." гэсэн буруу зүрүү, үгээ урд хойно нь оруулсан мэдээлэл их явж байна, Алдаан цөм ижил байгаа нь copy paste -ээр хийснээр нь мэдэгдэж байна. Ядаж "forse"-г "force" гээд зөв бичичхэж болно доо эрхэм хэвлэн нийтлэгчид, copy-чид оо !

Нэр нь үл мэдэгдэх бүсгүйн өмссөн дүрэмт хувцас, мөрдсөөс харахад энэ бүсгүй U.S Air Force биш U.S Air Force Academy -н буюу Нэгдсэн Улсын Армид алба хаадаг бус Нэгдсэн улсын Агаарын хүчний сургуулийн сонсогчийнх гэдгийг харж болно. Мөрдөс нь "Captain" буюу Ахмад биш "Cadet Major" буюу Төгсөх курсын сонсогч гэдгийг харж болно.

Мартаснаас "Miracle on the Hudson" буюу New York-н Hudson голд А320 агаарын хөлгийг амжилттай буулгаж 155 хүний амийг аварч чадсан Ахмад Chesley Sullenberger буюу "Sully" энэ сургуулийг 1973 онд төгсөж байсан юм билээ.

Эх сурвалж:
https://en.wikipedia.org